الاجراءات القانونية عند تغيير المقر الاجتماعي للشركة

 

يعتبر المقر الاجتماعي للشركة من الحاجات الأساسية الى تتبنى عليها كل شركة و على أساسو هو يصير تحديد كل الأجراءات  و  المعاملات اليومية التي تخص الشركة من وثائق و فواتير و غيرها 

 و في حالة تغيير المقر الاجتماعي  ثما خطوات أساسية و مهمة علينا القيام بيها بعد ابرام و تسجيل عقد الكراء الجديد للمقر او التحصل على شهادة الملكية أو شهادة الايواء  

ابرام عقد الكراء الجديد أو امتلاك المقر بشهادة ملكية ليست الاجراءات القانونية الوحيدة في حالة تغيير المقر الاجتماعي للشركة اذ تتبعها مجموعة من الاجراءات الاخرى التى يجب اتبعاها  

أول حاجة نقومو بها هي اعداد محضر جلسة خارقة للعادة ينص على قرار تغيير المقر الاجتماعي للشركة و يتضمن كل المعلومات على المقر الجديد (ذكر العنوان مع وصف تفصيلي للبناء - مساحته - رقم شهادة الملكية اذا كان في حالة ملكية - عدد التسجيل و القباضة المسجل بها في حالة الكراء ** و غيرها من المعلومات المفصلة الي تخص المقر) كما يجب ان ينص كذلك المحضر على ضرورة تغيير الفصل   المتعلق بالمقر في القانون الأساسي للشركة و الي هي بش تكون الخطوة الثانية و من ثم يتم تسجيله في القباضة المالية التابعة للمقر الاجتماعي للشركة  

ثاني حاجة نقومو بها هي تحيين القانون الأساسي للشركة و تغيير الفصل المتعلق بالمقر بش يكون محين و يحمل عنوان المقر الجديد  

ثالث حاجة تحيين بطاقة التعريف الجبائية ( بتيندا) و التصريح بالوجود   بش تكون كل التصاريح الجبائية السنوية و الشهرية و تسجيلات العقود و استخلاص الضرائب بالقباضة أو مكتب مراقبة الاداءات تابع للمقر الاجتماعي للشركة حسب العنوان الجديد

رابع حاجة و هي الخطوة الاخيرة تكون بتحيين السجل التجاري  بالعنوان الجديد في السجل الوطني للمؤسسات و الخطوة هذه بش تخلينا نستحقو للوثائق الي تحصلنا عليها في الاجراءات الي ذكرناهم الفوق الكل و بالتالي بش نتحصلو على سجل تجاري محين    نقوموا بايداع  أصل محضر الجلسة الخارقة للعادة مسجل مع نسخة من القانون الأساسي محين مع نسخة من بطاقة التعريف الجبائية المحينة 

وهكا بعد اتباع كل هذه  الاجراءات و تحيين كل  الوثائق الازمة  نكونو أتممنا الاجراءات القانونية الواجبة  في حالة تغيير المقر الاجتماعي للشركة 

 و لأكثر تفسيرات تنجمو تراسلون على الصفحة هذه

MON BUSINESS-Juriste-Tunisien-en-ligne