كيفاش نأسس شركة بدون شريك

 

 كيفاش نأسوا شركة وحدنا و منغير منستحقوا لشريك و برأس مال متواضع المسألة ياسر  بسيطة و متتطلبش برشا تعقيدات

 القانون التونسي متاعنا يخول لأي شخص بلغ 18 سنة  أنو يأسس شركة متاعو الخاصة مغير ميكون معاه شركاء و بش نأسو الشركة هذي لزمنا نعرفو قبل كل شي  شنوا النضام القانوني للشركة و شنوا شروط تأسيسها

كل شركة في تونس عندها نظام قانوني ينظمها و حسب النظام القانوني هذا يتم تأسيس و تسيير الشركة في احترام للقواعد و الفصول المنظمة في مجلة الشركات التجارية والى هي تختلف  بدورها من نظام قانوني الى أخر

 من حيث الاجراءات : في حالة تأسيس شركة وحدنا فيكون النظام القانوني اللى تخضع ليه الشركة متاعنا هو نضام شركة الشخص الواحد ذات  المسؤولية  المحدودة  و تأسيس الشركة هذي يتسم بالمرونة و الليونة و يخلو من التعقيدات و الاجراءات الى تتعدا بيها في تأسيس الشركات الأخرى خاصة وقت الي نحكو على الشركات خفية الأسم و نجمو نأسو الشركة متاعنا عن رأس مال ميقلش عن 1000 دينار

 من حيث النشاط :  تعتبر شركة الشخص الواحد ذات المسؤولية المحدودة هي شركة تجارية من حيث الشكل بقطع النظر عن موضوعها (الفصل 150 م ش ت ) يعني مهما يكون نشاط الشركة متاعك ان كان نشاط تجاري أو يقدم خدمات أو نشاط في الاعلامية أو غيرها من الأنشطة فأنوا دائما يتم أعتبارها ذات نشاط تجاري

 من حيث التسيير: الشركة هذي يتم تسييرها من خلال الشريك الوحيد اي الي قام بتأسيس الشركة و معندوش الحق تفويض التسيير أو ترأس الشركة لوكيل أو أي شخص اخر ( الفصل 154 م ش ت)

بش تفهمو أكثر شنوا الوثائق اللى تستحقوهم و المراحل الي  تبعهم  بش تنجمو تأسو الشركة متاعكم وحدكم هذم بمواقع تونسية ينجمو يفيدوكم 

بوابة ديوان النهوض بالصناعة و التجديد تلقاو لنا كل المراحل و الوثائق الازمة لتأسيس الشركة 

http://www.tunisieindustrie.nat.tn/fr/doc.asp?mcat=16&mrub=186&msrub=269

صفحة فايسبوك للتواصل  و طرح كل تسألاتكم و أستفساراتكم مجانا فريق كامل على ذمتكم و للاجابة على أسألتكم 

https://www.facebook.com/MON-BUSINESS-Juriste-Tunisien-en-ligne-102346115498157/