أول خطوة قبل التأسيس القانوني للشركة

  شنوا الحاجات الأساسية الي لازمك تعرفها قبل متأسس شركة 

و أنت تخمم في المشروع الي بش تعملوا و ألا الشركة الى بش  تأسسها ثما حاجات لازم توضحها وتعرفها قبل متبدا في أي حاجة و بالتالي  تربح برشا وقت  

     أول حاجة لازم تحدد نشاط الشركة يعني شنوا  المجال الأساسي الي تعمل فيه الشركة مثال اذا كان الهدف متاعك من تأسيس شركة هو صناعة معدات أو تركيبها و بيعها فهو يكون نشاط صناعي  أما اذا كان نشاطها هو عرض المعدات  و بيعها فقط لهنا نحكو على نشاط تجاري  الأنشطة متنوعة و متعددة و الهدف من تحديد النشاط بالأساس هو معرفة لأحكام بش تخضع ليها الشركة متاعنا و بش تعاونا في التأسيس خاطر الأنشطة تتقسم لزوز .. أنشطة تكون خاضعة لأحكام مجلة تشجيع الأستثمارات يعني متخضعش لترخيص أو موافقة من هياكل ادارية معينة و أنشطة تكون تخضع لترخيص يعني متبدا في التأسيس القانوني للشركة ألا متتحصل على الترخيص و بالتالي القيام بتحديد النشاط المناسب للشركة و خاصة أنو يكون مفصل أكثر ( مثال النشاط يتبع قطاع الصناعات الفلاحية و الغذائية تحديدا صناعات المواد الدسمة تكرير الزيوت الغذائية ) خطوة  مهمة و أساسية و من أهم الخطوات الى تخليك تبدا في تأسيس الشركة متاعك بطريق صحيحة و متعترضكش بعدها معيقات و اشكاليات تخلي الاجراءات اكثر تعقيد و تاخذ أكثر وقت  و هذا قائمة في كل الأنشطة التي ممكن القيام بيها في تونس بكل تفصيل نشرتها وكالة النهوض بالصناعة و التجديد  

الأنشطة الخاضعة لمجلة الاستثمارات 

http://www.tunisieindustrie.nat.tn/ar/doc.asp?mcat=12&mrub=207

الانشطة الخاضعة لترخيص 

http://www.tunisieindustrie.nat.tn/ar/doc.asp?mcat=12&mrub=95

 الخطوة الثانية الي لازم يتم تحديدها هو رأس مال الشركة و تعتبر الخطوة هذي من بين الخطوات الأساسية و  لهنا ثما نقطة مهمة لازم نوضحوها و هو أنو نفصلو بين المال الذي سيتم استعماله في شراء المعدات و التجهيزات اللي تستلزمها نشاط الشركة و بين راس المال الي هو يكون نتيجة للحصص و المساهمات الي قامو بيها الشركاء في التأسيس ( الفصل 5 م ش ت) و  الى هو بعد يتم من خلاله تقسيم الأرباح بين الشركاء ( شركة ذات مسؤولية محدودة ) أو بين المساهمين (شركة خفية الأسم) و في حالة تكون شركة شخص واحد لهنا الأرباح ترجع للشريك الوحيد الى قام هو بالتاسيس( شركة الشخص الواحد ذات المسؤولية المحدودة)  و بالتالي الهدف من تحديد راس المال هو حاجتين الأولى الفصل بين الأموال التي سيتم أستثمارها في المشروع و الأموال التي ستوضع لرأس المال و الحاجة الثانية أنو يتم تحديد النظام القانوني للشركة 

و بالتالي بش نأسسوا شركة بخطوات واضحة و بدون تعقيدات و معرقلات مع الاداراة ثما خطواة أساسية ماللول نقوموا بيها وحدنا  تخلي المسألة تكون أبسط علينا و على الى بش يخدملنا ملف تأسيس الشركة خاصة وقت الى نحكو على النشاط الي برشا ينجم يترفض  ليهم ملف كامل فقط لأنو النشاط المقترح لا يتماشى مع جملة الانشطة الى تنص عليها و ينضمها  القانون التونسي  والي تلقاوهم في الروابط الي الفوق

تنجمو تسألونا أكثر و نفسرولكم على صفحة هذي 

MON BUSINESS-Juriste-Tunisien-en-ligne