المؤسسسات التى نلجأ لها عند التأسيس القانوني للشركة

التأسيس القانوني للشركة  في تونس يتطللب اللجوء الى عدد من الاداراة الى بش تسهللنا الاجراءات و مراحل التأسيس 

:  أول خطوة نقومو بيها عند تأسيس الشركة تكون مع 

السجل الوطني للمؤسسات  و تكون من خلال حجز التسمية الاجتماعية للشركة يعني اسم الشركة الي اخترته لازم يكون قانوني من خلال  حجزه في السجل و بالتالي تضمن انو ما يتمش سرقته أو أستعماله  أو توضيفه من بين أي شخص أو شركة أخرى  و العملية هذي تصير على الموقع الالكتروني للسجل المخصص للحجز و العملية بسيطة تقوم بتعمير البيانات الخاصة و اقتراح الاسم الي تحب تحجزو على الأقل تقترح زوز تسميات بش في حالة يترفض الأول يتقبل الثاني و منضيعوش الوقت في اعادة الحجز مرة أخرى المميز في العملية هذي انها تخلو من التنقل للادارة و تصير كلها على الموقع من تعمير البيانات الى الاستخلاص و حتى الموافقة و تسلم الوثيقة التى تحمل الاسم يصير عبر البريد الالكتروني

: الخطوة الثانية تكون مع 

ديوان النهوض بالصناعة و التجديد و ذلك للحصول على شهادة ايداع التصريح بمشروع  و العملية هذي تصير على الخط كيفكيف و متستحقش تنقل الا في الخطوة الاخيرة لتسلم الشهادة و الوثيقة هذي مهمة جدا لأنو تمكنك من اتمام  اجراءات التكوين القانوني للشركة مع ديوان النهوض بالصناعة و التجديد و بالتالى متلتجأش للتعامل و التنقل لمؤسسات أخرى و أهم حاجة أنو الشهادة هذي تخليك تنتفع مباشرة بالامتيازات الجبائية اللى تمنحها مجلة تشجيع الاستثمارات كيما تخليك تنتفع عند الطلب بنظام التصدير الكلي كيما تكون مطلوبة برشا في أي اجراءات ادارية مالية قانونية و جبائية 

 :الخطوة الثالثة و الاخيرة تكون زادا مع 

ديوان النهوض بالصناعة و التجديد بعد منكملو نتحصلو على الوثائق الى ذكرناهم الفوق و بعد ما نحضرو جملة من الوثائق الاخرى اللى نلقاوهم مذكرين هنا  (أنقروا على هنا لفتح الرابط) نتوجه الى ديوان النهوض بالصناعة و التجديد في المكاتب الجهوية وغديكا يتم أنجاز كل الوثائق القانونية المطلوبة لتاسيس الشركة مثل بطاقة التعريف الجبائية (بتيندا) - التصريح بالوجود - السجل التجاري- الجريدة الرسمية - كما تمكن الانخراط بالصندوق الوطني للضمان الاجتماعي

هذا ملخص المؤسسات الى نجمو نتوجهولها بوضوح في حالة تأسيس الشركة لأكثر تفسيرات تنجمو تراسلون على الصفحة هذه

MON BUSINESS-Juriste-Tunisien-en-ligne